3–6 dekabr tarixlərində Portuqaliyanın Lissabon şəhərində keçirilən EHC25 — Avropa Baş Ağrıları Federasiyasının 19-cu Avropa Baş Ağrıları Konqresində Miqren və Baş Ağrıları Mərkəzinin rəhbəri Dr. Sərxan Əmirquliyev iştirak etmişdir.
Konqres çərçivəsində Dr. Sərxan Əmirquliyev iki elmi sessiyaya — “Late-Breaking Oral Abstract Session” və “E-Poster Session” — sessiya sədri qismində rəhbərlik etmişdir. Bu, beynəlxalq elmi ictimaiyyət tərəfindən ona göstərilən yüksək etimadın göstəricisi kimi dəyərləndirilir.
Mötəbər beynəlxalq tədbir European Headache Federation (EHF) tərəfindən təşkil olunmuş və baş ağrıları sahəsində dünyanın aparıcı mütəxəssislərini bir araya gətirmişdir. Konqres elmi müzakirələr, bilik və təcrübə mübadiləsi baxımından yüksək səviyyədə təşkil olunaraq iştirakçılar üçün yadda qalan platforma olmuşdur.
