01–02 noyabr 2025-ci il tarixlərində Bakı şəhərində, Radisson Oteldə keçirilən “Azərbaycan Psixiatriya və Sinir Elmləri Konqresi” psixiatriya və nevrologiya sahəsində ölkə üzrə aparıcı mütəxəssisləri bir araya gətirən nüfuzlu elmi platformalardan biri oldu.
Konqres çərçivəsində psixi sağlamlıq, nevroloji xəstəliklər, müasir diaqnostik yanaşmalar və müalicə strategiyalarına dair aktual mövzular geniş müzakirə edildi. Elmi sessiyalarda təqdim olunan məruzələr praktik fəaliyyət baxımından əhəmiyyətli klinik nüansları ön plana çıxardı və iştirakçılar arasında peşəkar müzakirələrə səbəb oldu.
Tədbir müddətində sahə üzrə həm yerli, həm də müxtəlif qurumları təmsil edən mütəxəssislərlə elmi fikir mübadiləsi aparmaq, qarşılıqlı təcrübə paylaşımı etmək və gələcək əməkdaşlıq imkanlarını müzakirə etmək imkanı əldə etdik.
Bu konqresdə iştirakımız həm peşəkar inkişaf, həm də psixiatriya və sinir elmləri sahəsində aktual mövzuların vahid elmi müstəvidə müzakirəsi baxımından mühüm əhəmiyyət daşıdı.
Tədbirin yüksək səviyyədə təşkilinə görə konqresin təşkilatçılarına, elmi komitəyə və tədbiri dəyərli edən bütün iştirakçılara təşəkkürümüzü bildiririk.
