Gərginlik tipli baş ağrısı ən çox rast gəlinən baş ağrısı növüdür və adətən əzələ gərginliyi, stress, yorğunluq və emosional gərginlik nəticəsində yaranır. Ağrı çox vaxt iki tərəfli, sıxıcı və ya basıcı xarakter daşıyır və xəstələr onu “başımın ətrafında lent sıxır kimi” hiss edirlər.
Bu ağrılar adətən yüngül və ya orta intensivlikdə olur, fiziki fəaliyyətlə artmır, bulantı və qusma müşahidə edilmir, lakin işığa və ya səsə qarşı az həssaslıq ola bilər. Ağrı 30 dəqiqədən bir neçə günə qədər davam edə bilər.
Əsas səbəblər arasında boyun və çiyin əzələlərinin gərginliyi, stressli vəziyyətlər, uzun müddət kompyuter qarşısında oturmaq və yuxu çatışmazlığı göstərilir.
Müalicə əsasən istirahət, stressin idarə olunması, duruşun düzəldilməsi, yüngül fiziki məşqlər və sadə analgetiklərin (parasetamol, ibuprofen və s.) qısa müddətli istifadəsi ilə aparılır.
Xroniki hallarda psixoterapiya, relaksasiya texnikaları və yuxu rejiminin normallaşdırılması uzunmüddətli nəticə verir.